--------------------------------------------------------------------------------
هذي شلقة مواقف حقيقة كلها عن الكمبيوتر والانترنت اتمنى انها تعجبك رغم ما تحويه من طرافة مبكي
________________________________________
واحدمن الشباب سمع صوت في وسط جهاز الكمبيوتر حقه ومسكة معه الا لازم يعرف وين هالصوت فيه ويسكته الين فك جهازه وقرب من الصوت ولقاه حول احد الضفائر ويجيك خوينا بالمقص وينتف ابو هالضفيرة يبي الصوت ياقف وعينك ما تشوف الا الجهاز اللي قبس في وجهه وليتنا من صوتنا سالمين
________________________________________
هذا واحد كتب له في الوورد مقال طويل حوالي خمسين سطر وجلس ينقحه ويعدله ويصحح اخطاءة الإملائية المهم قص الموضوع يبي يسوي له تجارب في الفرونت بيج ويوم خلص من الفرونت بيج سكره وراح وسكر الوورد وطبعا طلب منه الوورد حفظ التغييرات وضغط على نعم وهو عجل ويوم رجع لملفه لقاه بياض ناصع اوي
________________________________________
واحد مع خويه في الآي سي كيو يتكلمون وأرسل له خويه ملف صغير وراح الثاني وفتحه بشكل سريع على انه هدية من زميله ويوم فتحه والا يوم طفى جهازه ؟ وعبثا حاول ( وش رايكم في عبثا )) تشغيل جهازه وماطاع وشوي ويتصل خويه عليه ويقوله : عسى مافتحت الملف قاله الا خميته وطفى جهازه قاله اللي مرسل الملف يوووووووووه هذا ملف يتلف النظام وانا كنت ناويه لواحد غيرك طالبه مني وجاك بالغلط ؟؟؟
________________________________________
احيانا الجهاز يشتغل الحاله تلقائيا اذا ماكان مفصول عنه الكهرب وهذا واحد طفى جهازه وراح وكان المودم شغال وفيه خاصية الاتصال التلقائي هذا غير بعض البرامج اللي تعمل مع بدء التشغيل وتتطلب الاتصال المهم بعد ساعة تقريبا اشتغل جهازه وحمل البرامج واتصل وهو برا البيت ويوم رجع لقى ابو الشباب (( الكمبيوتر )) يسربت الحاله في المواقع وشابك له اكثر من ساعتين ؟؟؟؟؟
________________________________________
واحد خرب جهازة وراح به لقريب له عشان يفرمته ويصلحه ومن الطفاقه وطا سلك الجهاز وطاح منه في الدرجة وعينه تناظره بكل حسرة والم وهو يتدربى على هاك الدرج وقال في وقتها من القهر : اصلا انا ناوي اشتري واحد جديد احسن منه
______________________________________
هذي سويليفه صزيه حصلت مبطي مره مره تقريبا قبل سنتين وقصتها ان فيه رجال معود السواق حقه انه يروح يشتري له غنمه ويوديها للقصاب علشان يتفاهم معها ويقطعها حتت ويوم قرب عيد الضحيه ويروح هاك الرجال ويشتري له حول 8 روس يالله من فضلك ويوديها للمزرعه حقته يبيها كود تدبغ في الزت والعشسيبات الطيبه الين يجي وقت شخترة الدم وقرب العيد وقام الرجال وروح هاك السواق وقاله له <-- شكلكم فهمتوا السالفه رح يا صديق وجب الغنم نبي نحطهن في البيت راح السواق وشقلهن في الموتر وسيده للقصاب وما رجع للبيت الا وهن في كراتين مقطعات حتت واستغربت حرمة الرجال ؟؟ وقالت : وجع وشذا كله ماخبرنا عندنا عزيمه ولا عرس ؟ وصرخت يالهوي بالي.. يالهوي بالي .. وصبرت الين جا زوجها للبيت وعلمته بالسالفه ويوم درا مسك راسه وبوبز ثم رزح راسه في الجدار من الغبنه والقهر وقال لها هذولي الضحايا حقاتنا ..!!؟؟ جاب اجلهن هالماخوذ وطلع يدور السواق وهو يتوعد انه يتله باذانه للقصاب
_________________
الأربعاء أبريل 02, 2008 11:28 am